F’LJÓÐ STOVUKONSERTIR OG KVØLDSETUR
Í 2011 fekk Elin hugskotið at skipa fyri konsertum í síni egnu stovu, har hon bjóðaði fólki at koma inn og uppliva konsertir við ymiskum tónlistafólkum at lætta um teir longu myrku vetrarnar. Hon byrjaði í januar 2012. Konsertirnar gjørdust skjótt væl umtóktar, men fyri at tað skuldi loysa seg peningaliga, var neyðugt, at tað var fult hús hvørja ferð. Tað gjørdist skjótt greitt, at tað bar ikki til at rokna við hvørja ferð, so hóast undirtøkan var sera góð, gav virksemið undirskot.
Elin tordi ikki at seta atgongumerkjaprísin ov høgt av ótta fyri at missa áhoyrarar, men tað merkti, at tað var torført at fáa fíggjarstøðuna til at hanga saman. Har var ovmikið av arbeiði við fyrireikingum og øðrum, men einki kom burturúr fíggjarliga, so Elin helt ein steðg aftan á eina tíð. Men so fekk Elin hugskotið at skipa fyri stovukonsertum fyri ferðaløgum summarhálvuna, har hon sjálv var høvuðsnavnið. Tað kundi betur loysa seg. Í dag hevur hetta virksemið yvirhálað tær vanliga almennu stovukonsertirnar.
HVAT MERKIR ORÐIÐ F’LJÓÐ?
Elin valdi at rópa konsertirnar F’LJÓÐ stovukonsertir og kvøldsetur.
Orðið F’LJÓÐ hevur dupultan týdning. ‘Fljóð’ er eitt gamalt føroyskt heiti fyri ‘kvinnu’. Í hesum førinum er orðið skrivað við apostrof millum F’ið og L’ið, har F er ein stytting fyri “Føroyskt” og ‘ljóð’ er sjálvsagt ljóð – tvs. føroyskt ljóð.
Endamálið við F’LJÓÐ er at bjóða fólki eina góða tónleikauppliving og upplestur av føroyskum bókmentum í hugnaligum umhvørvi – og afturfyri eru áhoyrararnir, sum møta, við til at stuðla arbeiðið, sum verturin ger.
Umframt kaffi, te og køku, bjóða F’LJÓÐ kvøldini uppá livandi tónleik og søguforteljing. Til ber at siga, at hetta minnir nógv um gomlu siðvenjuna við at hava kvøldsetur, har føroyingar komu saman at syngja og siga hvørjum øðrum søgur. F’LJÓÐ kvøldini eru tí eitt spennand, frískt og íblásandi alternativ til vanligar konsertir, og eru væl verd at vitja.
HVUSSU KAN EIN KOMA TIL AT UPPLIVA EINA F’LJÓÐ STOVUKONSERT?
Far til facebook síðuna hjá F’LJÓÐ.
Ella til Atgongumerkjasíðuna hjá F’LJÓÐ.
