SANGLEIKURIN: “SEYMISTOVAN”
Tíðliga í áttatiárunum spældi Elin við og sang í sangleikinum “Seymistovan”, sum varð framførdur fyri fullum húsum meira enn fjøruti ferðir.
Her eru allir sjónleikararnir á pallinum í Sjónleikarhúsinum:
TÓNLEIKAVIRKSEMI Í ÅRHUS Í ÁTTATIÁRUNUM
Mitt í áttatiárunum var hon í Århus í Danmark – eitt stutt tíðarskeið sang og spældi hon ljómborð í einum rokkbólki saman við brøðrunum Kaj & Karl Anton Klein a.o. og luttók á upptøkum, útgivin á kassettubandi (MC) við teimum.
Her er ein mynd frá eini veitslu í Århus – fyrst ein við Kaj Klein á gittar og Jákup Thomsen á ljómborði, og tann næsta er við Karl Anton Klein á gittar, Emil ? á bass og Edvard Nyholm Debess á trummum, in 1983:
Elin var eisini kórleiðari fyri eitt lítið føroyskt kór í Århus um somu tíð – umframt eitt sindur fyri eina a capella kvartett.
ELIN ÍKØST TIL FLEIRI ÚTGÁVUR Í ÁTTATIÁRUNUM
Í áttatiárunum tók Elin lut sum sangari (m sum kór) á fleiri tónleikaútgávum við ymiskum tónlistafólkum. Hon sang kór á fleiri sangum á útgávuni SKOT hjá Kaj Klein.
Besta kenda útgávan er “Blátt” eftir Jákup Marner Antoniussen, har hon – millum aðrar sangir – sang duett við Jákup Marner á hittinum hjá honum “Til allar vinir”.
Ein annar duett sangur gjørdist eisini eit hitt í Føroyum – “Meg minnist eina mynd” eftir Hans Andrias Djurhuus, sum Elin sang saman við Jógvan Telling.
Hon sang eisini kór á sanginum “Lítli fuglur” by Anfinn T. Hansen.
Elin hevur eisini sungið fleiri væl umtóktar barnasangir í føroyskum barnaútvarpi.
TVEYMANS POPPBÓLKURIN NALJA
Í 1984 møttust Elin og føroyska tónaskaldið og framleiðarin Kári Jacobsen á einari veitslu á ólavsøku. Elin var 26 ára gomul tá, og Kári bara 16! Hóast tíggju ár vóru á muni millum teirra, og tey komu frá sera ymiskum tónleikabakgrundum, funnu tey út av, at kemiin teirra millum var sera góð.
Her er ein mynd av Elini & Kára frá júst tí veitsluni, har tey møttust fyrstu ferð:
Stutt eftir stovnaðu tey tveymansbólkin “Elin & Kári”, og á sumri í 1988, góvu tey út eina heildarútgávu í Føroyum á kassettubandi, sum tey kallaðu “NALJA”. Tey skrivaðu, tónasettu og skipaðu allan tónleikin sjálvi, men legendariski føroyska tónleikaframleiðarin, Óli Poulsen, hjálpti teimum at framleiða útgávuna. Tað vóru 10 løg á útgávuni. Fimm eftir Kári Linderoth Jacobsen og fimm eftir Elina Brimheim Heinesen.
Løgini á poppútgávuni “NALJA” vóru eitt sindur av einum mótreaktión ímóti allari politisku ‘korrektheitini’ í tónleiki, sum var sera vanlig tá í tíðini. Elin hevur altíð hildið fast við at gera tónleik, sum hevur rætt í sær sjálvum – og ikki bara sum eitt amboð at selja okkurt annað… alt annað enn sannar kenslur, um tað so er gleði ella sorg.
“NALJA” var ein poppútgáva, sum á mangan hátt var eyðkend fyri áttatiárini við sínum Simmons trummuljóðu og øðrum eyðkendum ljóðum frá tí tíðini. Tað minti tí á mangan hátt um aðrar poppútgávur frá tí tíðini. MEN útgávan var eisini rættiliga serstøk á ein sera ‘føroyskan’ hátt, og gjørdist tí sera væl umtókt sum júst tað. Sangirnir á útgávuni – sum varð endurútgivin á fløgu í 1998 – verða enn nógv spældir í føroyskum útvarpi.
Her er ein mynd av Elin, Óla og Kára frá Bløndal studio í Copenhagen:
NALJA kassettubandshúsin frá 1988:
Og her er ein mynd av Elini & Kára frá eini myndatøkurøð við myndum tiknar í 1988 ísv. útgávuna av NALJA:
Víðari til 1990-2000
