{"id":1921,"date":"2023-08-31T11:01:03","date_gmt":"2023-08-31T10:01:03","guid":{"rendered":"https:\/\/heinesen.fo\/index.php\/biography\/2010-2020\/"},"modified":"2025-05-12T11:22:02","modified_gmt":"2025-05-12T10:22:02","slug":"2010-2020","status":"publish","type":"page","link":"https:\/\/heinesen.fo\/index.php\/tonleikayrkisleid\/2010-2020\/","title":{"rendered":"2010 – 2020"},"content":{"rendered":"

T\u00d3NLEIKAYRKISLEI\u00d0IN KEMUR AFTUR \u00c1 SPORI\u00d0<\/h3>\n

\u00cd 2010, t\u00e1 \u00f8ll vi\u00f0urskiftini vi\u00f0v\u00edkjandi r\u00e6ttindum endiliga komu upp\u00e1 pl\u00e1ss, kom so heildar\u00fatg\u00e1van “Yndisl\u00f8g” \u00fat, sum Elin gj\u00f8rdi saman vi\u00f0 akustiska b\u00f3lkinum Ad Libitum. 1.300 eint\u00f8k av \u00fatg\u00e1vuni v\u00f3ru seld tey fyrstu tvey \u00e1rini eftir \u00fatg\u00e1vuna, sum ikki er so heilt gali\u00f0 \u00ed einum so l\u00edtlum landi sum F\u00f8royum. Les meira um \u00fatg\u00e1vuna\u00a0HER<\/a>.<\/p>\n

\u00c1rini eftir hesa \u00fatg\u00e1vuna kom fer\u00f0 aftur \u00e1 t\u00f3nlistayrkislei\u00f0ina hj\u00e1 Elini. \u00datg\u00e1van gj\u00f8rdi at eftirspurninguri aftur kom eftir Elini at sp\u00e6la konsertir, og Elin hevur sp\u00e6lt n\u00f3gvar konsertir og \u00e1 festivalum s\u00ed\u00f0ani t\u00e1, so sum \u00e1 G! festivalunum \u00ed G\u00f8tu, Summarfestivalinum \u00ed Klaksv\u00edk, Voxbotn \u00ed Havn, \u00d3lavs\u00f8kukonsert \u00ed Havn, Summart\u00f3nar ymsasta\u00f0ni \u00ed landinum, \u00ed kirkjum, \u00ed sp\u00e6lista\u00f0num Reinsar\u00ednum \u00ed Havn og \u00edt T\u00f8ting \u00ed G\u00f8tu, \u00e1 privatum veitslum, til br\u00fadleyp og jar\u00f0afer\u00f0ir og ikki minst \u00e1 stovukonsertum, mest fyri fer\u00f0af\u00f3lkum um summari\u00f0. Vanliga syngur og sp\u00e6lir hon hennara egnu l\u00f8g, n\u00f8kur \u00fatgivin og n\u00f8kur ikki \u00fatgivin enn, onkur av teimum klassisku NALJA l\u00f8gunum, onkur av l\u00f8gunum av Yndisl\u00f8g \u00fatg\u00e1vuni. Summat\u00ed\u00f0ir sp\u00e6lir hon einsam\u00f8ll, a\u00f0rar t\u00ed\u00f0ir saman vi\u00f0 \u00f8\u00f0rum t\u00f3nleikarum t.d. \u00e1 gittara og bass.<\/p>\n

Elin og Astrid McDonald \u00e1 \u00d3lavs\u00f8kukonsert \u00ed 2011:<\/em><\/p>\n

\"\"<\/p>\n

\"\"<\/p>\n

ELIN & K\u00c1RI \/ NALJA M\u00d8TAST AFTUR \u00c1 PALLI<\/h3>\n

Elin & K\u00e1ri v\u00f3ru fleiri fer\u00f0ir \u00e1 palli hesi \u00e1rini\u00a0 – m.a. tv\u00e6r fer\u00f0ir \u00e1 st\u00f3rum konsertum \u00e1 \u00f3lavs\u00f8ku, har tey sp\u00e6ldu fyri fleiri t\u00fasund f\u00f3lkum.<\/p>\n

\u00cd 2012 f\u00f3ru Elin & K\u00e1ri fyrstu fer\u00f0 \u00e1 pall aftur aftan\u00e1 20 \u00e1r. Tey, sum skipa\u00f0u fyri Faroe Pride, spurdu Elin & K\u00e1ra, um tey vildu fara \u00e1 pall aftur saman – og solei\u00f0is stu\u00f0la r\u00e6ttindunum hj\u00e1 samkyndum \u00ed F\u00f8royum. Sj\u00e1lvandi j\u00e1tta\u00f0u tey, og sostatt var NALJA endurskapt! Tey h\u00f8vdu eina fr\u00e1l\u00edka framf\u00f8rslu vi\u00f0 fullum t\u00f3nleikab\u00f3lki frammanfyri eini \u00e1hoyrarafj\u00f8ld vi\u00f0 fleiri t\u00fasund f\u00f3lkum.<\/p>\n

Nalja, i\u00f0 er kent fyri klassikarar sum “\u00c1 tann deiliga Havn”, “Sjeikurin” og “Hygg at m\u00e6r”, var ein av fremstu poppb\u00f3lkunum \u00ed \u00e1ttati\u00e1rinum, og kassettubandi\u00f0, sum tey g\u00f3vu \u00fat \u00ed 1988 var\u00f0 eisini \u00fatselt eftir stuttari t\u00ed\u00f0.<\/p>\n

K\u00e1ri Jacobsen, annar av h\u00f8vu\u00f0spers\u00f3nunum handan Nalju seg\u00f0i vi\u00f0 Kringvarpi\u00f0 \u00e1\u00f0renn konsertina, at f\u00f3lk kundu v\u00e6nta s\u00e6r eina gla\u00f0a og v\u00e6lupplagda konsert.<\/p>\n

– Eg haldi ta\u00f0 vera ordiliga festligt, at Elin og eg skulu \u00e1 pall aftur fyri fyrstu fer\u00f0 \u00ed 22 \u00e1r! Og ta\u00f0 er ein hei\u00f0ur at sp\u00e6la \u00e1 Faroe Pride, sum ikki bara er heimsins feitasta veitsla, men eisini hei\u00f0rar naka\u00f0 av t\u00ed allarmest t\u00fddningarmikla hj\u00e1 \u00f8llum menniskjum: Pers\u00f3nliga fr\u00e6lsi\u00f0. So har ver\u00f0ur ovmiki\u00f0 at veitsluhalda, v\u00edsti K\u00e1ri Jacobsen \u00e1.<\/p>\n

Elin Brimheim Heinesen seg\u00f0i, at K\u00e1ri og hon ofta v\u00f3ru spurd, um tey ikki vildu sp\u00e6la teirra gomlu Nalja klassikarar \u00e1 konsert.<\/p>\n

– Men vit hava alt\u00ed\u00f0 sagt nei, t\u00ed vit hildu, t\u00f3nleikurin hoyrdi eini farnari t\u00ed\u00f0 til, og vit eru eitt anna\u00f0 sta\u00f0 \u00ed dag. Men t\u00e1 fyrireikararnir av Faroe Pride spurdu okkum, v\u00f3ru vit ikki \u00ed iva um, at hetta var eitt heilt serligt h\u00f8vi, vit fegin vildu geva okkara \u00edskoyti til, t\u00ed vit stu\u00f0la endam\u00e1linum at hei\u00f0ra ymiskleikan og vilja vera vi\u00f0 til at fremja meira tolsemi \u00ed f\u00f8royska samfelagnum, seg\u00f0i Elin Brimheim Heinesen.<\/p>\n

27. juli 2012 kl. 16:00 byrja\u00f0i Faroe Pride skr\u00fa\u00f0gongan vi\u00f0 Gundadalsh\u00f8llina. Gingi\u00f0 var\u00f0 oman til T\u00f3rsg\u00f8tu, har konsertin var\u00f0 hildin. Aftrat Nalju sp\u00e6ldu 200, Eiv\u00f8r, Mike, \u00c6vint\u00fdrfer\u00f0in og Reykjav\u00edkar Queer Choir konsert eisini.<\/p>\n

Her er eitt videobrot fr\u00e1 Faroe Pride konsertini:<\/em><\/p>\n