{"id":4264,"date":"2023-12-13T12:02:02","date_gmt":"2023-12-13T12:02:02","guid":{"rendered":"https:\/\/heinesen.fo\/?p=4264"},"modified":"2025-12-19T12:15:06","modified_gmt":"2025-12-19T12:15:06","slug":"ovaentad-utgava-av-symfoniskum-jolalag","status":"publish","type":"post","link":"https:\/\/heinesen.fo\/index.php\/2023\/12\/13\/ovaentad-utgava-av-symfoniskum-jolalag\/","title":{"rendered":"\u00d3v\u00e6nta\u00f0 \u00fatg\u00e1va av symfoniskum j\u00f3lalag"},"content":{"rendered":"<p><iframe loading=\"lazy\" title=\"YouTube video player\" src=\"https:\/\/www.youtube.com\/embed\/BFpgQKcEylY?si=px4Svcrk5OWomf-S\" width=\"700\" height=\"400\" frameborder=\"0\" allowfullscreen=\"allowfullscreen\"><span data-mce-type=\"bookmark\" style=\"display: inline-block; width: 0px; overflow: hidden; line-height: 0;\" class=\"mce_SELRES_start\">\ufeff<\/span><\/iframe><\/p>\n<p><strong>Heilt \u00f3v\u00e6nta\u00f0 og \u00f3fr\u00e1bo\u00f0a\u00f0 kemur n\u00fa enn eitt symfoniskt lag \u00fat, sum Elin Brimheim Heinesen syngur. Elin hevur j\u00fast 1. december \u00ed \u00e1r givi\u00f0 \u00fat symfonisku heildar\u00fatg\u00e1vuna \u201cEitt d\u00fdpi av d\u00fdrari t\u00ed\u00f0\u201d vi\u00f0 l\u00f8gum, hon hevur gj\u00f8rt til yrkingar hj\u00e1 p\u00e1pa s\u00ednum, Jens Paula Heinesen. Men n\u00fa kemur eitt eyka symfoniskt lag aftrat, sum hon syngur, men sum eingin visti um. Hesafer\u00f0 er talan um ein j\u00f3lasang nevndur \u201cJ\u00f3lafri\u00f0ur \u00e1 j\u00f8r\u00f0\u201d eftir italska t\u00f3naskaldi\u00f0, Enzo De Rosa.<\/strong><\/p>\n<p>Elin Brimheim Heinesen hevur samstarva\u00f0 vi\u00f0 Enzo De Rosa \u00e1\u00f0ur um heildar\u00fatg\u00e1vu s\u00edna \u201cEitt d\u00fdpi av d\u00fdrari t\u00ed\u00f0\u201d. Enzo hevur gj\u00f8rt n\u00fdggja j\u00f3lasangin, sum eisini er innsp\u00e6ldur vi\u00f0 symfoniorkestri og vi\u00f0 Elini sum sangsolisti, umframt vi\u00f0 \u00e1tta sm\u00e1gentum \u2013 allar um 10-11 \u00e1ra gamlar \u2013 \u00ed Gentuk\u00f3ri Eystursk\u00falans, stj\u00f3rna\u00f0 av Joannu Johansen. Elin hevur sj\u00e1lv umyrkt enska upprunatekstin til lagi\u00f0.<\/p>\n<h4>Hei\u00f0ra\u00f0i sonin vi\u00f0 j\u00f3lasangi um fri\u00f0 \u00e1 j\u00f8r\u00f0<\/h4>\n<p>Solei\u00f0is grei\u00f0ir Enzo De Rosa fr\u00e1, um hvussu lagi\u00f0 bleiv til: &#8211; Sonur m\u00edn, Leonardo, var borin \u00ed heim 11. november \u00ed 2011. \u00cd sambandi vi\u00f0 hesa gle\u00f0iligu hending spurdi eg m\u00edn g\u00f3\u00f0a vin og sangskrivara, Paul Oxley, um hann vildi hj\u00e1lpa m\u00e6r at skriva tekst til ein j\u00f3lasang, eg j\u00fast hev\u00f0i gj\u00f8rt til n\u00fdborna sonin hj\u00e1 m\u00e6r fyri at h\u00e1t\u00ed\u00f0arhalda f\u00f8\u00f0ing hansara. M\u00e1li\u00f0 vi\u00f0 at skriva sangin var at varpa lj\u00f3s \u00e1 ta\u00f0, sum eg haldi \u00e1tti at veri\u00f0 dj\u00fapara meiningin vi\u00f0 komandi h\u00f8gt\u00ed\u00f0ini. J\u00f3lini eru ein t\u00ed\u00f0, har menniskju \u00e1ttu at minst til, at vit \u00f8ll \u00ed veruleikanum eru sameind. T\u00e1 kavin legst \u00e1 h\u00fas, b\u00fdir og lond og fjalir m\u00f8rkini millum okkara, eigur hetta at minna okkum \u00e1, at \u00ed veruleikanum eru hesi m\u00f8rkini bara heilaspuni \u2013 naka\u00f0, sum vit hava funni\u00f0 upp\u00e1 bara fyri at skilja okkum sundur sum menniskju. \u00cd veruleikanum er ta\u00f0 n\u00f3gv meira, sum bindur okkum saman, enn ta\u00f0, sum skilir okkum. Ta\u00f0 var ta\u00f0, eg vildi siga vi\u00f0 hesum sanginum. Eg eri sera fegin um, at Elin vildi lata sangin \u00ed f\u00f8royskan ham.<\/p>\n<h4>D\u00e1mar so v\u00e6l f\u00f8royska m\u00e1li\u00f0<\/h4>\n<p>\u00cd heyst gj\u00f8rdi Enzo De Rosa av at gera eina symfoniska innsp\u00e6ling av j\u00f3lasanginum vi\u00f0 Elini sum sangsolisti. Hann spurdi hana, um hon ikki kundi skriva ein sangtekst \u00e1 f\u00f8royskum, t\u00ed honum d\u00e1mar so v\u00e6l f\u00f8royska m\u00e1li\u00f0 og heldur ta\u00f0 lj\u00f3\u00f0a so v\u00e6l. Sum Enzo or\u00f0ar ta\u00f0: &#8211; Ta\u00f0 lj\u00f3\u00f0ar sum eitt fornt afturlj\u00f3\u00f0 fr\u00e1 fyrndini. Elin grei\u00f0ir fr\u00e1:<\/p>\n<p>&#8211; Enzo De Rosa er ein serstakliga dugnaligur t\u00f3nlistama\u00f0ur og t\u00f3naskald, sum gj\u00f8gnum seinastu 40 \u00e1rini hevur arbeitt vi\u00f0 \u00f3teljandi t\u00f3nleikarum og sangarum kring allan heim. So eg kenni ta\u00f0 sum eina st\u00f3ra \u00e6ru, at Enzo heitti \u00e1 meg og leit m\u00e6r upp \u00ed hendurnar b\u00e6\u00f0i at skriva sangtekstin og syngja j\u00f3lasangin, sum hann hevur gj\u00f8rt til sonin hj\u00e1 s\u00e6r. Ta\u00f0 er st\u00f3rt fyri meg.<\/p>\n<h4>F\u00f8royskt gentuk\u00f3r syngur saman vi\u00f0 Elini<\/h4>\n<p>Elin setti seg \u00ed samband vi\u00f0 Joannu Johansen um at f\u00e1a Gentuk\u00f3r Eystursk\u00falans at syngja saman vi\u00f0 s\u00e6r \u00e1 \u00fatg\u00e1vuni. Innsp\u00e6lingarnar av r\u00f8ddum og orkestri f\u00f3ru fram s\u00ed\u00f0st \u00ed novemberm\u00e1na\u00f0a \u00ed \u00e1r. Enzo hevur sj\u00e1lvur t\u00f3nablanda\u00f0 orkesturt\u00f3nleikin, me\u00f0an f\u00f8royski t\u00f3nleikaframlei\u00f0arin B\u00e1r\u00f0ur H\u00e1berg hevur tiki\u00f0 upp og t\u00f3nablanda\u00f0 r\u00f8ddirnar hj\u00e1 Elini og gentuk\u00f3rinum. Orkesturparturin er innsp\u00e6ldur av Moscow Metropolitan Session Orchestra undir lei\u00f0slu av Vladimir Podgoretsky. Og masteringina hevur Alex Gordon \u00ed Abbey Road Studios gj\u00f8rt.<\/p>\n<p><strong>Hesi hava veri\u00f0 vi\u00f0 \u00ed framlei\u00f0sluni av \u201cJ\u00f3lafri\u00f0ur \u00e1 j\u00f8r\u00f0\u201d:<\/strong><\/p>\n<p><em>T\u00f3nleikur og \u00fatseting fyri symfoniorkestur:<\/em> Enzo De Rosa<br \/>\n<em>F\u00f8royskur sangtekstur:<\/em> Elin Brimheim Heinesen<br \/>\n<em>Upprunatekstur:<\/em> Paul Oxley<br \/>\n<em>Orkesturuppt\u00f8kur:<\/em> Bow Tie Remote Recordings<br \/>\n<em>Orkestur:<\/em> Moscow Metropolitan Session Orchestra undir lei\u00f0slu av Vladimir Podgoretsky<br \/>\n<em>Uppt\u00f8kur av orkestri:<\/em> Alexandr Serenko<br \/>\n<em>T\u00f3nabland av orkestri:<\/em> Enzo De Rosa<br \/>\n<em>Sangsolistur:<\/em> Elin Brimheim Heinesen<br \/>\n<em>K\u00f3r:<\/em> Gentuk\u00f3r Eystursk\u00falans (Aleksandra Glerfoss, Anna S\u00e1ra P\u00e6tursd\u00f3ttir, Ey\u00f0dis Iversen, Gloria Schmidt, J\u00f3na Bj\u00f8rg Berg, Maibritt Trondesen, Mira Absalonsen og T\u00f3rger\u00f0 Lamhauge \u2013 allar 10-11 \u00e1ra gamlar) undir lei\u00f0slu av Joannu Johansen.<br \/>\n<em>Uppt\u00f8kur og t\u00f3nabland av r\u00f8ddum:<\/em> B\u00e1r\u00f0ur H\u00e1berg<br \/>\n<em>Mastering:<\/em> Alex Gordon \u00ed Abbey Road Studios<\/p>\n<p><strong>Sangteksturin til \u201cJ\u00f3lafri\u00f0ur \u00e1 j\u00f8r\u00f0\u201d eftir Elina Brimheim Heinesen:<\/strong><\/p>\n<p>1. Flykrurnar dala av himmali h\u00e1tt,<br \/>\nsum gimsteinar glampa og dansa \u00ed n\u00e1tt.<br \/>\nG\u00f8turnar t\u00f3mar, frystar \u00ed snj\u00f3.<br \/>\nKvirra n\u00fa r\u00e6\u00f0ur, alt hv\u00edlir \u00ed r\u00f3,<br \/>\nt\u00ed at n\u00fa fjalir kavin hv\u00f8rt str\u00ed\u00f0 og hv\u00f8rt s\u00e1r,<br \/>\nfjalir \u00f8ll landam\u00f8rk, l\u00ed\u00f0ing og t\u00e1r.<br \/>\nHer \u00e1 j\u00f8r\u00f0 valdar fri\u00f0ur,<br \/>\nn\u00fa vit \u00f8ll halda j\u00f3l.<\/p>\n<p>2. J\u00f3lini brei\u00f0a seg um allan heim.<br \/>\nF\u00f3lk sm\u00edlast fegin, og \u00f8ll halda gleim,<br \/>\nsyngja av hjarta eitt bl\u00edtt takkarlj\u00f3\u00f0.<br \/>\nT\u00f3nleikur, l\u00e1tur, \u00f8ll eru so g\u00f3\u00f0,<br \/>\nt\u00ed n\u00fa savnast vit saman eitt bil, kn\u00fdta bond,<br \/>\ndansa um tr\u00e6i\u00f0 so fitt hond \u00ed hond.<br \/>\nHer \u00e1 j\u00f8r\u00f0 valdar fri\u00f0ur,<br \/>\nn\u00fa vit \u00f8ll halda j\u00f3l.<\/p>\n<p>3. Lalala&#8230;<\/p>\n<p>Her \u00e1 j\u00f8r\u00f0 valdar fri\u00f0ur,<br \/>\nn\u00fa vit \u00f8ll halda j\u00f3l,<br \/>\nt\u00ed vit halda j\u00f3l.<br \/>\nT\u00ed halda vit \u00f8ll n\u00fa j\u00f3l.<\/p>\n<p><strong>Lagi\u00f0 \u201cJ\u00f3lafri\u00f0ur \u00e1 j\u00f8r\u00f0\u201d hj\u00e1 Enzo De Rosa er at finna \u00e1 Spotify her:<br \/>\n<iframe loading=\"lazy\" style=\"border-radius: 12px;\" src=\"https:\/\/open.spotify.com\/embed\/track\/68VGjAo2ZnQGROm4czF8Cw?utm_source=generator\" width=\"100%\" height=\"352\" frameborder=\"0\" allowfullscreen=\"allowfullscreen\" data-testid=\"embed-iframe\"><\/iframe><\/strong><\/p>\n<p><strong>\u00c1 Apple Music her:<\/strong><\/p>\n<p><iframe style=\"width: 100%; max-width: 660px; overflow: hidden; border-radius: 10px;\" src=\"https:\/\/embed.music.apple.com\/us\/album\/j%C3%B3lafri%C3%B0ur-%C3%A1-j%C3%B8r%C3%B0-feat-elin-brimheim-heinesen-faroese\/1721094838\" height=\"450\" frameborder=\"0\" sandbox=\"allow-forms allow-popups allow-same-origin allow-scripts allow-storage-access-by-user-activation allow-top-navigation-by-user-activation\"><\/iframe><\/p>\n<p>Og \u00e1 talgildum mi\u00f0lapallum annars her:<br \/>\n<a href=\"https:\/\/distrokid.com\/hyperfollow\/enzoderosa2\/jlafriur--jr-feat-elin-brimheim-heinesen-faroese-version\" target=\"_blank\" rel=\"noopener\">https:\/\/distrokid.com\/hyperfollow\/enzoderosa2\/jlafriur&#8211;jr-feat-elin-brimheim-heinesen-faroese-version<\/a><\/p>\n","protected":false},"excerpt":{"rendered":"<p>\ufeff Heilt \u00f3v\u00e6nta\u00f0 og \u00f3fr\u00e1bo\u00f0a\u00f0 kemur n\u00fa enn eitt symfoniskt lag \u00fat, sum Elin Brimheim Heinesen syngur. Elin hevur j\u00fast 1. december \u00ed \u00e1r givi\u00f0 \u00fat symfonisku heildar\u00fatg\u00e1vuna \u201cEitt d\u00fdpi av d\u00fdrari t\u00ed\u00f0\u201d vi\u00f0 l\u00f8gum, hon hevur gj\u00f8rt til yrkingar hj\u00e1 p\u00e1pa s\u00ednum, Jens Paula Heinesen. Men n\u00fa kemur eitt eyka symfoniskt lag aftrat, sum&hellip;<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[7],"tags":[],"class_list":["post-4264","post","type-post","status-publish","format-standard","hentry","category-uncategorized-fo-fo"],"_links":{"self":[{"href":"https:\/\/heinesen.fo\/index.php\/wp-json\/wp\/v2\/posts\/4264","targetHints":{"allow":["GET"]}}],"collection":[{"href":"https:\/\/heinesen.fo\/index.php\/wp-json\/wp\/v2\/posts"}],"about":[{"href":"https:\/\/heinesen.fo\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/heinesen.fo\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/heinesen.fo\/index.php\/wp-json\/wp\/v2\/comments?post=4264"}],"version-history":[{"count":9,"href":"https:\/\/heinesen.fo\/index.php\/wp-json\/wp\/v2\/posts\/4264\/revisions"}],"predecessor-version":[{"id":4273,"href":"https:\/\/heinesen.fo\/index.php\/wp-json\/wp\/v2\/posts\/4264\/revisions\/4273"}],"wp:attachment":[{"href":"https:\/\/heinesen.fo\/index.php\/wp-json\/wp\/v2\/media?parent=4264"}],"wp:term":[{"taxonomy":"category","embeddable":true,"href":"https:\/\/heinesen.fo\/index.php\/wp-json\/wp\/v2\/categories?post=4264"},{"taxonomy":"post_tag","embeddable":true,"href":"https:\/\/heinesen.fo\/index.php\/wp-json\/wp\/v2\/tags?post=4264"}],"curies":[{"name":"wp","href":"https:\/\/api.w.org\/{rel}","templated":true}]}}