Heimasíða

Les alla framløguna (á enskum) – trýst á hetta leinkið :

Framløga hildin á G! Festivalinum 2024: WOMEN IN MUSIC

Kynsgjógvin í tónleikaídnaðinum – Hvørjar eru avbjóðingarnar, kvinnuligir tónleikarar møta?

Framløgan er um:

• kvinnur í tónleiki
• kynsgjónna í tónleikaídnaðinum
• avbjóðingarnar hjá kvinnum í tónleikaídnaðinum
• hvat kann gerast við tað

Hvat vísa kanningarnar?

Fleiri kanningar hava kannað eftir, hvørjir seiglívaðir dupultstandardir ráða í tónleikaídnaðinum og varpa ljós á, hvussu kvinnur – hóast batar hava verið at sæð seinastu árini – ofta eru dømdar meira strangt, bæði persónliga og yrkisliga, samanborið við teirra mannligu mótpartar.

Hendan framløgan er grundað á hesar kanningar

• Amerikansk kanning: Inclusion in the Recording Studio? Gender & Race/Ethnicity of Artists, Songwriters & Producers across 1,100 Popular Songs from 2012 to 2022 – USC Annenberg Inclusion Initiative
• Bretsk kanning: Musicians’ Census Women Musicians Insight Report – March 2024
• Bretsk kanning: Counting the Music Industry: The Gender Gap – October 2029
• Bretsk kanning: Both Sides Now: A Practice-Based Enquiry into Gender Equality in the Music Industry – Thesis by Kate Lowes 2021
• Bretsk kanning: Women and Equalities Committee Misogyny in music Second Report of Session 2023–24
• Týsk kanning: On Gender Diversity in the Music Industry and in Music Usage – Keychange 2021
• Donsk kanning: Kvinderne i musikken – 2022
• Donsk kanning: Hvorfor er der så få kvinder i musikken? En undersøgelse af køns betydning for udøvende og skabende musikere Marts 2022
• Donsk kanning: Diversitet i  musikbranchen   ‐ Mod en bedre kønsbalance (Dansk Musiker Forbund,  Dansk Artist Forbund,  Gramex,  JazzDanmark,  Dansk Live) Maj 2017

Read more about it in this presentation (PDF-file).

Ikki er óvanligt, at fyritøkur lemjast av at missa allar sínar dátur, tá tær vera raktar av álopum frá teldusníkum. Tøknikorrespondenturin hjá Danmarks Radio, Henrik Moltke, sigur: “Tað er ótrúliga traumatisk og hart fyri tey, tað gongur út yvir.” Føroyskar heimasíður hava eisini verið raktar av slíkum álopum, m.a. var heimasíðan hjá Elini Brimheim Heinesen (https://heinesen.fo) rakt av einum sonevndum “ransomware” álopi síðst í august í ár. Heimasíðan mátti enduskapast heilt frá grundini, og er nústani fullfíggjað aftur.

Azero Cloud á húsagang av teldusníkaálopi

Sum tað frættist í útvarpstíðindunum síðst í august í ár, bleiv danska fyritøkan Azero Cloud rakt av einum ‘ransomware’ álopi 18. august 2023, sum merkti, at fyritøkan misti næstan allar dátur á ambætarum sínum. Hetta rakti 3.700 kundar hjá fyritøkuni og teirra heimasíður, sum Azero Cloud var vertur fyri. Fyritøkan Azero Cloud varð sjálv rakt so meint, at hon fór á húsagang av hendingini. (Les meira her: https://www.dr.dk/nyheder/indland/al-data-forsvundet-i-ransomware-angreb-chili-klaus-har-mistet-alt)

Føroyskar heimasíður raktar

Eisini heimasíður hjá føroyingum vóru raktar, m.a. heimasíðan hjá Tórshavnar Manskóri og heimasíðan hjá Elini Brimheim Heinesen. Í samrøðu við útvarpið 23. august í ár greiddi Elin Brimheim Heinesen frá, hvussu hetta ávirkaði virksemi hennara, at allar dátur hjá henni brádliga vóru strikaðar. Dáturnar kundu ikki endurstovnast, tí backup-ambætararnir hjá Azero Cloud vóru eisini raktir. (Lurta her: https://kvf.fo/utvarpstidindi?sid=161775)

Elin Brimheim Heinesen noyddist at viðurkenna, at hon hevði mist alt – tvs. heimasíðu sína, sum hon hevði ment gjøgnum nógv ár frá 2008, umframt allar teldupostar frá 2005 og fram til august í ár. Har var einki annað at gera enn at finna sær annan heimasíðuvert, og síðani fara undir at endurskapa heimasíðuna frá grundini – í minsta lagi hundrað undirsíður við teksti, myndum, sjónbondum, ljóðfílum og øðrum.

Heinesen.fo endiliga endurskapt

Nú er Elin Brimheim Heinesen endiliga komin á mál við at endurskapa nýggju heimasíðu sína, ið kann síggjast her: https://heinesen.fo. Á heimasíðuni ber til at kunna seg bæði um professionellu og tónlistarligu yrkisleiðina hjá Elini, sett upp kronologiskt heilt frá barnsbeini fram til í dag við yvirliti yvir allar tónlistarligu útgávurnar hjá Elini. Umframt hetta og ymiskt annað kunnu fólk eisini kunna seg um F’LJÓÐ kvøldseturnar og stovukonsertirnar, sum Elin Brimheim Heinesen hevur skipað fyri síðani 2012, og hvussu til ber at bíleggja framførslur.

Faktaboks:
Hvat er eitt “ransomware” álop?
Ransomware er samansett av orðunum “ransom” (loysipengar) og “malware” (illviljað forrit). Ransomware álop hava til endamáls at bronglað telduskipanir og soleiðis gera tær óatkomiligar fyri eigaran av skipanini og øðrum brúkarum. Teldusníkarnir krevja hereftir pengar frá teimum raktu fyri at lata telduskipanina upp aftur. (Kelda: http://kt-trygd.fo)