OSS UM F’LJÓÐ KVØLDSETUR

Les meira her: Hvat er ein stovukonsert?

Les meira her um søguna og heitið F’LJÓÐ KVØLDSETUR

Umframt framførslu av tónleiki plagar verturin, Elin Brimheim Heinesen, eisini at lesa brot úr skaldskapinum hjá pápa sínum, Jens Paula Heinesen, fyri gestunum. Tað kann t.d. vera á donskum ella á enskum, alt eftir hvat mál gestirnir skilja best. Tann parturin er vanliga sera væl umtóktur.

Harumframt er kaffi, te og køkur íroknað, uttan at tað kostar eyka.

Ein F’LJÓÐ KVØLDSETA varar vanliga umleið hálvanannan til tveir tímar, men kann eisini vera stytri, um tað ynskist. Konsertin kann fyri so vítt byrja nær sum helst á degnum.

Vanliga byrja konsertirnar kl. 20 og enda í seinasta lagi kl. 22 – íroknað ein steðg uppá 15-20 minuttir. Tónleikararnir spæla tvey sett á uml. 30-40 min.

Harumtramt er upplestur úr føroyskum bókmentum, sum varar uml. 5-10 minuttir – beint aftaná steðgin, og áðrenn tónleikararnir spæla annað sett.

Fyrst og fremst er tað Elin sjálv, sum syngur og spælir gittar saman við makkaranum hjá sær, Eyðun Mohr Hansen, ið spælir gittar. Tú kanst lurta eftir løgum hjá Elini á hesum Spotify playlistanum:

Um ynski er um tað, kunnu eisini aðrir føroyskir tónleikarar spæla. Tónleikarar plaga at vera beinasamir at traðka til, tá teir verða bidnir um at spæla stovukonsert. MEN summi krevja meira í samsýning, enn inntøkur eru til, so tað er ikki vist, at tað altíð ber til at fáa júst tann tónleikaran, man vil hava.

Ja, vit stremba eftir at gera so umhvørvisvinalig og burðardygg tiltøk sum gjørligt. Brúka vit eingangs borðfenað, brúka vit einans vistfrøðiliga framleidd pappkrúss, papptallerkar osfr.

Hvar fara F'LJÓÐ KVØLDSETUR fram?

F’LJÓÐ KVØLDSETUR fara fram í Magnus Heinasonar gøtu 8, tætt við Vágsbotn og Vestaru Vág.

Far til hesa síðuna fyri at finna kort og leiðbeining: Staðseting.

Vinaliga far til hesa síðina at vita hvussu tú bíleggur.

Pláss er fyri upp til 32 gestum. Tó hava upp til 36 gestir verið inni í senn, men tá er trongt. Ideella talið er millum 12 og 30 gestir.

Ja, tað er væl møguligt at bíleggja tiltøk fyri bólkar.
Vanliga verða tiltøk bíløgd til bólkar à umleið 12-30 gestir.

Er bólkurin minni enn 12 fólk, vinaliga sí svarið upp á næsta spurningin.

Er bólkurin størri, kann hann býtast sundur, har skipað verður fyri tveimum konsertum sama kvøld. Ein helvt av kann t.d. eta á matstovu frá klokkan 18, meðan hin helvtin er til kvøldsetu. Og so býta tey runt klokkan 20.

Til ber altíð at seta seg í samband við Elina fyri at hoyra, um til ber at skipa fyri stovukonsert fyri smærri bólkar – tvs. minni enn 12 fólk, sum bara gjalda meira pr. persón. (Sí partin um prísir longur niðri). So ikki ivast í at spyrja. Far vinaliga til hesa síðina og fyll út formularin,. Ella skriva beinleiðis til elinheinesen@icloud.com.

Vanliga verður goldið pr. gest. Fyri stovukonsertir, bílagdar til bólkar, veldst um, hvussu nógvir gestir eru í bólkinum, hvat prísurin pr. gest er.

• Eru frá 12 upp til 20 gestir er minstiprísur pr. gest 250 kr.
• Eru millum 20 og 30 gestir, fæst avsláttur, so prísurin kemur niður á 240 kr. pr. gest.
• Eru færri enn 12 gestir, má hvør gestur rinda tað meira, so vit náa upp á 3.000 kr. tilsamans.

Fyri at kunna skipa fyri eini stovukonsert má inntøkan í minsta lagi vera 3.000 kr, um endarnir skulu røkka saman. Upphæddin skal dekka útreiðslur til fyrreiking, samsýning til tónleikarar, innkeyp av kaffi, te og køkum, pappkrússum, -tallerkum og bestikk, brúk av streymi, reingerð og skatt.

Júst so. Tað ber væl til, um tey gjalda 1.500 kr hvør, Eisini fyri bara fýra fólk um tey gjalda 750 kr hvør. Og fyri átta fólk, um tey gjalda 375 kr hvør o.s.fr.

Sum nevnt omanfyri ber til at bíleggja eina kvøldsetu til heilt fá fólk - eisini til einstaklingar - um ein er innforstaðin við, at prísurin hækkar pr. gest, jú færri fólk koma.

Men um ein ikki ynskir at bíleggja eitt heilt tiltak til fáar gestir, ber so til hjá hesum gestum at koma til eitt tiltak, sum longu er planlagt?

Ja, ein kann altíð spyrja seg fyri hjá Elini, um pláss skuldi verið til longu planlagdar stovukonsertir. So spyr endiliga um tað.

Far vinaliga til hesa síðina og fyll út formularin,. Ella skriva beinleiðis til elinheinesen@icloud.com.

Ja, tað er gjørligt at bíleggja tíðir til stovukonsertir, sum hóska best til bólkin hjá einum – við tí fyrivarni, at tað ikki stríðir ímóti øðrum avtalum.

Vanliga er tað besta at skipa fyri stovukonsertum um kvøldið klokkan 20. Men hevur ein eitt ynski um eina aðra tíð á degnum, ber til at gera aðra avtalu um tíð eftir ynski – við fyrivarni, sum sagt.

Summar ferðaskrivstovur bíleggja tiltøk longu eitt ár frammanundan, so tað er umráðandi at bíleggja tíðliga fyri at vera vís/ur í at fáa teir dagarnar og tíðirnar, ein allarhelst vil hava.

Umstøðurnar hjá gestunum til at eta eru ikki tær bestu, tí lítið pláss er í stovuni – og enn minni borðpláss. Tað ber tó til at gera avtalu um, at gestirnir fáa smyrjibreyð. Men so má tað bíleggjast áðrenn, og tað kostar sjálvsagt eyka.

Um man ynskir henda møguleika, er neyðugt at siga frá í seinasta lagi kl. 12.00 sama dag, sum stovukonsertin skal vera um kvøldið, so til ber at gera neyðugu fyrireikingarnar til hetta. Gestirnir mugu tá hava valt, hvat fyri smyrjibreyð, tey vilja hava, so tað kann bíleggjast og vera klárt til gestirnar, tá tey koma til stovukonsert.

T.d. hevur Bitin.fo góð og spennandi smyrjibreyð í stílinum, tey rópa New Nordic Style – m.a. við røstum og turrum fiski, matgjørt á ein hátt, sum fellir í ‘smak” hjá útlendingum. Her ber til at síggja úrvalið á bitin.fo.

Rokningar fyri bíløgd tiltøk fyri bólkar verða sendar til fyriskiparan eftir tiltakið. Einstaklingar kunnu gjalda á staðnum við reiðum peningi ella við bankaflyting. Seinni verður møguligt at rinda við Apple Pay ella Mobile Pay.

Hevur tú bílagt eina heila F’LJÓÐ KVØLDSETU t.d. til ein bólk og avlýsir fimm gerandisdagar áðrenn konsertina, verður eingin rokning send. Verður konsertin avlýst minni enn fimm gerandisdagar áðrenn, verður rokning send uppá 1.500 kr.

Í niðanfyristandandi faldara eru nógvar myndir frá F’LJÓÐ KVØLDSETUR tiltøkum og ein fullfíggjað skrá fyri eina typiska kvøldsetu:

• Faldari á føroyskum
• Faldari á enskum
• Faldari á donskum

Til ber at fáa nærri kunning um aktuell tiltøk á facebook síðuni hjá F’LJÓÐ KVØLDSETUM.

Ella á  Atgongumerkjasíðuna hjá F’LJÓÐ KVØLDSETUM.