SJÁLVBOÐIN STØRV OG FRÍYRKISSTØRV
Elin Brimheim Heineseni hevur gløðandi áhuga fyri internetinum og heldur seg sjálva dagførda við netbornum rákum.
Elin var vevritstjóri á heimasíðuni MUSIC.fo frá 2012 til 2014 – ein netborin tónleikamiðil fyri øll við áhuga fyri aktuellari kunning um tónleik úr Føroyum – eitt arbeiði, sum hon gjørdi sjálvboðin í síni frítíð. Á síðuni vóru óteljandi sjónbandaløg, myndir, greinir, podcastar og onnur kunning – alt viðv. føroyskum tónleiki. Tíverri kravdi hetta ov nógv arbeiði at halda síðuna dagførda. Tað hendi so nógv á føroyska tónleikapallinum og aðrar skyldur kravdu uppmerksemið hjá Elini, so hon mátti taka tungu avgerðina at avtaka heimasíðuna. Her er ein løtumynd av MUSIC.fo heimasíðuni á løtumynd av heimasíðuni MUSIC.fo á Wayback Machine.
Elin var eisini vevritstjóri av heimasíðuni www.faroeislandsreview.com fra 2009 til 2012 – ein netborin miðil um Føroyar sum heild. Her er ein løtumynd frá 2010.
Áðrenn tað var hon stovnari og ritstjóri av heimasíðuni www.fo-dk.dk – ein heimasíða um viðurskiftini millum Føroyar og Danmark, sum byrjaði í apríl 2000 og helt á fram til 2007. Hetta sjálvbodna arbeiði mátti eisini steðga orsaka av øðrum uppgávum, tá Elin flutti til Føroya í 2007. Her er ein løtumynd frá 2002.
Við síðuna av heimasíðuarbeiðnum hevur Elin havt fleiri journalistiskarar kanningaruppgávur, sum hon hevur arbeitt við sum fríyrkisuppgávur. Hon hevur skrivað nógvar greinir, klummur og ummæli bæði í donskum og føroyskum bløðum. Av og á skrivar hon lista-, tónleika-, films- og sjónleikaummæli. Og hon hevur arbeitt við fleiri ymiskum lýsingarherfeðrum og marknaðarkanningum. Hetta hevur m.a. úrslitað í prentaðum útgávum, mest um marknaðarføringsráðgeving.
TÓNLEIKUR OG SJÓNLEIKUR
Síðan 1964 hevur Elin verið virkin sum tónaskald og songkvinna. Hon gav út NALJA-útgávuna á kassettubandi í 1988, og á fløgu í 1998 saman við Kára jacobsen. Í 2010 gav hon aftur eina heildarútgávu út við hennara egnu tulkingum av yndiskøgunum hjá mammu og mammubeiggja sínum. Bæði doyðu av krabbameini ávikavist í 2005 og 2006, og hendan útgávan var til heiðurs og minnis um tey. Les um tónleikayrkisleiðina hjá Elini og lurta eftir nøkrum sangum hjá henni, og serliga um útgávurnar – ‘Yndisløg’ og ‘Handan stjørnurnar’. Og her er ein listi við øllum útgávunum, sum hon hevur verið partur av.
Elin hevur verið virkin á mentanarpallinum í heimbýi sínum, sum sjónleikari, tónleikar og fyriskipari, umframt sum stovnari av Havnar Jazzfelag síðan 1975. Hon var eisini nevndarlimum av felagnum tey fyrstu árini.
Elin hevur fyriskipað konsertir – og ger tað enn – og hon var viðstovnari av fleiri ymiskum feløgum fyri tónleikarar, tónaskøld og tónleikaáhugað í Havn.
Hon hevur verið viðleikari í sangleikum, so sum Seymistovan í Sjónleikarhúsinum (1978) og Glataðu spælimenninir, ein leikur bygdur á eina skaldsøgu eftir William Heinesen, í Norðurlandahúsinum í havn (1993).
ÚTVARP, SJÓNVARP OG FILMUR
Elin var á ferð kring Føroya við V4-sendingini sum tátta- og vísusangsrinna í trý ár frá 1975 til 1978. Hetta vóru vikuligar undirhaldssendingar í Útvarpi Føroya, sum vóru sendar hvørt leygarkvøld í vetrarhálvuni.
Hon hevur gjørt sjónbandaløg og tónleikasendingar sum fríyrkisfólk fyri føroyska útvarpið og sjónvarpið síðani 1975.
Hon hevur freamleitt fleiri ymiskar útvarpssendingar síðani 1975, so sum eina sendingarrøð í 12 pørtum um jazz-søguna og eina útvarpsleik fyri børn í seks pørtum. Hon framleiddi og spældi sjálv við í fleiri útvarpsleikum, gjørdi barnasendingar og las upp søgur fyri børnum og sang fleiri barnasangir í útvarpinum.
